ދިޔަރެސް (27)

ކިޔާފައިވާ ޢަދަދު: 4007
މޫސާ ޞާޢިދު
(20 އޮގަސްޓް 2014 (ބުދަ) ދުވަހު ޝާއިޢުކުރި ބަޔާ ގުޅޭ)

ފިރާޝާ ގެޔަށް އައިއިރު، ދަރިފުޅު އަޒްހާން އުޅެނީ މުޢާޒަށް ގުޅައިގެނެވެ. ކައިރީގައި ފިރާޝާގެ ކޮއްކޮ ނާދިޔާވެސް ހުއްޓެވެ.
“ބައްޕީ…މަންމީ އަތުވެއްޖެ….މަންމީ އަތަށްދެނީ.” ފިރާޝާ ވަނުމާއެކު، އަޒްހާން ފިރާޝާ އަތަށް ފޯނު ދިނެވެ. ފިރާޝާ ނިކަން ޖެހިލުންވެފައި ހުރެ ފޯނު ކަންފަތުގައި ޖައްސާލިއެވެ.

އޭރުގެ ފަތްފުށްތަކުން…. (82)

ކިޔާފައިވާ ޢަދަދު: 2106

ދުނިޔޭގައި ދިވެހިރާއްޖެ

إ . ش


ދިވެހި އަދަބީ ދުނިޔޭގައި އޮނަރަބްލް އަލްއުސްތާޛު އިބްރާހީމް ޝިހާބު (ރަޙިމަހުﷲ) ނުވަތަ إ . ش އަކީ، ކޮންބޭފުޅެއްކަން ތާރަފުކުރުމަށް މާގިނަ ޖުމުލަތަކެއް ބޭނުންވާނޭކަމަކަށް ނުދެކެމެވެ. އެމަނިކުފާނަކީ، ކުޅަދާނަ ލިޔުންތެރިއެކެވެ. އެއަށްވުރެ ކުޅަދާނަ ޅެންވެރިއެކެވެ. އަދި އެއަށްވުރެވެސް ކުޅަދާނަ ވާހަކަދެއްކުންތެރިއެކެވެ.

ކުޑަކުދިންގެ ހިތުގައި ދިވެހިބަހަށް ލޯބި އަށަގެންނެވުމަށް ކުރެވިދާނެ ކަންކަން

ކިޔާފައިވާ ޢަދަދު: 4058

ފަތުޙުﷲ އަޙްމަދު ރަޝީދު، ހއ. އިހަވަންދޫ

“ފޮނިފޮނި ދިވެހިބަސް މިއީ މަތިވެރި ފަޚްރަކަށްވުމުން…”، “ދެއްވާށެ ކުޑަކުދިންނަށް ހިތްޤައިމު ފޮނި އުފާތައް، އެންމެންގެ ލޯބި ލިބިގެން، ބޮޑުވާނެ ރަންދުވަސްތައް” މިއީ ދެ ޅެންވެރިއެއްގެ ދެ ޚިޔާލެވެ. ދެ މުނާސަބާ ގުޅުން ހުރި ޝާއިރީ ދެ ބަސްކޮޅެވެ. އެހެނަސް، ދެ ޚިޔާލު އެއްކޮށްލައި ފުން ނަޒަރަކުން ވިސްނައިލައިފިނަމަ، ފުން މާނަތަކެއް ދޭހަވާ ދެ ޢިބާރާތެވެ. އެއް ވާހަކައަކީ، ކުޑަކުދިންނަށް ބޭނުންވާ އޯގާތެރިކަމާއި ލޯބި އެންމެ ފުރިހަމަ މާނައިގައި އެކުދިންނަށް ދެވިއްޖެނަމަ އެކުދިންގެ ރަން ދުވަސްތައް ދާދިއަވަހަށް އުދަވާނެ ވާހަކައެވެ. އަނެއް ވާހަކައަކީ،  ފޮނިފޮނި ދިވެހިބަސް މިއީ މަތިވެރި ފަޚުރަކަށްވީ ވާހަކައެވެ. ދެ ވާހަކަ އެއްކޮށްލުމުން ނުކުންނަ ނަތީޖާއަކީ، ދިވެހިންގެ ފަޚުރުވެރި ދިވެހިބަސް ‘ފުރިހަމަ މާނައިގައި’ ކުޑަކުދިންނަށް އުނގައިދެވިއްޖެ ނަމަ އެކުދިންގެ ހިތުގައި ދިވެހިބަހަށް ލޯބި އަށަގަނެގެންދާނެ ވާހަކައެވެ. އެހެންކަމުން، ކުޑަކުދިންގެ ހިތުގައި ދިވެހިބަށް އޮންނަ ލޯބި އަށަގެންނެވުމަށް ކުރަންޖެހޭ ކަމަކީ ‘ފުރިހަމަ މާނައިގައި’ އެކުދިންނަށް ބަސް އުނގަންނައިދިނުމެވެ. މިޒަމާނުގައި ‘ފުރިހަމަ މާނައިގައި’ ބަސް އުނގަނައިދެވޭނީ ވަރަށް ގިނަގުނަ ކަންތައްތަކެއް ފުރިހަމަ ކުރެވިގެންނެވެ. ފަރުދީ ފެންވަރުން ފެށިގެން ޤައުމީ ފެންވަރާ ހަމައަށް މިންނަތް ބުރަ މަސައްކަތްތަކެއް ކޮށްގެންނެވެ. އައު ޚިޔާލުތަކެއްގެ މައްޗަށް އައު ގޮތްތަކެއް އެކަށައަޅައި ތަންފީޒުކޮށްގެންނެވެ. 

މަންމަޔާއި ބައްޕައަށް ކުރާ ހެޔޮ ދުޢާ

ކިޔާފައިވާ ޢަދަދު: 3374
ޢަބްދުއްރަޝީދު ޙުސައިން

ރާގު: ފަޖުރުލީ ފަތިހަކަށް ނަޔާ އަމާން

ދެއްވަވާށި ތަރްބިޔަތު އެރީތި މާތް
       މަންމަޔާއި ބައްޕަޔަށް ޤަދަރް ކުރާން
              އަންނަހެން މަ ބޮޑުވަމުން ވަމުން ޒުވާން
                    ހެޔޮ ދުޢާ  އެމީހުނަށް  އަބަދު  ކުރާން

ސާހިބާ (27)

ކިޔާފައިވާ ޢަދަދު: 4121

ފާޠިމަތު ނަހުލާ
(17 އޮގަސްޓް 20141 (އާދީއްތަ) ދުވަހު ޝާއިޢުކުރި ބަޔާ ގުޅޭ)
“ޝަހުދަށް ބޭކާރުދޯ!” މީނާ ކުޑަހިނިތުންވުމެއް ތުންފަތްމައްޗަށް ވެރިކުރުވި ނަމަވެސް، އެހިނިތުންވުމުގައި ވަނީ ރިހުމުގެ އަސަރެވެ. ދެލޮލުގައިވަނީ ކަރުނައިގެ އަސަރެވެ.

ޝަހުދަށް އެކަން ފާހަގަކުރެވުނެވެ. މަޑުމަޑުން މީނާގެ ވާހަކަތަކުގެ މިޞްރާބު ބަދަލުވަމުންދާހެން ޝަހުދަށް ހީވިއެވެ. އެވާހަކައާއިގެން ކުރިއަށްދާކަށް ޝަހުދު ބޭނުމެއް ނޫނެވެ. މިހާރު ޝަހުދުވަނީ އެފަދަ އެއްވެސް ވާހަކައެއް ނުދައްކަން ނިންމާފައެވެ. އެ އަސަރުތަކާއި އެ ޖަޒުބާތުތަކުގެ ތެރެއަށް ނުވަންނަން އޭނާ އެދަނީ އިންތިހާއަށް މަސައްކަތް ކުރަމުންނެވެ. އެކަން ނާކާމިޔާބުވާކަށް އޭނާ ބޭނުމެއް ނޫނެވެ.

މުއްލާ ނަޞީރުއްދީނުގެ ވާހަކަ – 9

ކިޔާފައިވާ ޢަދަދު: 4096

ފަހު ފުރުޞަތު (3)

ޢައްބާސް އިބްރާހީމް

(22 އޮގަސްޓް 2014 (ހުކުރު) ދުވަހު ޝާއިޢުކުރި ބަޔާ ގުޅޭ)

މުއްލާ އިތުރު ފުރުޞަތެއް ފަހިވެދާނެކަމުގެ އުއްމީދުގައި ފަހު ފުރުޞަތުގެ ބޭނުން ކޮށްފިއެވެ. އޭނާގެ އަތުގައި އޮތް ފަސްސަވީސް އަސްރަފީ ތަށްޓަށް ވައްޓާލައިފިއެވެ. އަދި ޑައިސްކޮޅު ވައްޓާލުމުން ނަސީބަކުން އޭނާގެ ނަންބަރާ ދިމާވެއްޖެއެވެ. އެވަގުތު އަނެއްކާވެސް އެއްކަލަ އިސްތަށިގަނޑު ރަތްކޮށްފައިހުރި މީހާ އެތާނގައިހުރި ހުރިހާ ފައިސާއާއެކު އިތުރު ފުރުޞަތެއް ނެގުމަށް ހުށަހަޅައިފިއެވެ. މުއްލާވެސް އެކަމާ އެއްބަސްވެއްޖެއެވެ. އެފަހަރު ޑައިސްކޮޅު ވައްޓާލީ އަނެއް މީހާއެވެ. އޭނާއަށް އެފުރުޞަތު ގެއްލުނީއެވެ. އޭގެފަހުން އެތައްފަހަރަކު ޑައިސްކޮޅު ވައްޓަމުން ދިޔައިރުވެސް އެމީހާއަށް ކާމިޔާބުވާގޮތެއް ނުވިއެވެ. ކޮންމެފަހަރަކުވެސް އިތުރުފައިސާ އޭނާއަތުން ގެއްލި މުއްލާއަށް ލިބޭގޮތް ވަމުންދަނީއެވެ. އަނެއްކޮޅުން އިސްތަށިގަނޑު ރަތްކޮށްފައިހުރި މީހާ އޭނާގެ ނަސީބު ދިމާވޭތޯ އެއްފަހަރަށްވުރެ އިތުރަށް އަނެއްފަހަރު ފައިސާ ބަހައްޓަމުން ގެންދަނީއެވެ. އެކަމަކު މިހާރު ނަސީބުވެރިޔަކީ މުއްލާ ނަޞީރުއްދީނެވެ.

ވިއްސާރަ ދުވަސްދުވަހު ދޫނި ގޮވުން އިތުރުވުން!

ކިޔާފައިވާ ޢަދަދު: 5123
އަޙްމަދް ސަމީރު ޢަލީ


ތިރީގައި އެވަނީ އަޅުގަނޑުގެ އަޚް ސިރާޖަށް ދިމާވި ކަމެކެވެ. “ހަމަ ތިޔަ ކިޔައިދެއްވި ގޮތަށް، އަޅުގަނޑުމެންގެ ވެބް ސައިޓަށް ލިޔުއްވަންވީ ނޫންހޭ” ނަންގަތުމުން ބުނުއްވީ “ސަމީރު ލިޔެލާށޭ” މިހެންނެވެ. ވީމާ އޭނާ ކިޔައިދެއްވި ގޮތަށް ލިޔެވޭތޯ އަޅުގަނޑު ބަލާނަމެވެ.

މުއްލާ ނަޞީރުއްދީނުގެ ވާހަކަ – 8

ކިޔާފައިވާ ޢަދަދު: 3812

ފަހު ފުރުޞަތު (2)

ޢައްބާސް އިބްރާހީމް
(19 ޖުލައި 2014 (ހޮނިހިރު) ދުވަހު ޝާއިޢުކުރި ބަޔާ ގުޅޭ)

އެންމެން ވެސް ބަލަބަލަތިބީ ޑައިސް އެއްލާލާއިރު މައްޗަށް އޮންނާނެ ނަންބަރަކަށެވެ. ކުއްލިއަކަށް އެންމެންނަށްވެސް މާނޭވާއެއް ލެވިގެން ދިޔަހެން ހީވިއެވެ. ޑައިސް ދަޅުން ވަކިވެގެން އަށިމައްޗަށް ވެއްޓުނީއެވެ.

ގަޑިޖެހޭ އަލިމަނިކު

ކިޔާފައިވާ ޢަދަދު: 3984

ކުރުވާހަކަ

ގަޑިޖެހޭ އަލިމަނިކު

ޢަބްދުއްރަޝީދު ޙުސައިން

“އަލިމަނިކާ މިހާރު އެހެރަ މެންދަމުން އަލިވެ އެކެއްޖަހައިބޮޑުވީ. ކެފޭ ބަންދުކުރާ ގަޑި ޖެހިއްޖެ.”
         
“މަޖީދީ އުފާ” ގެ ވޭޓަރަކު އަލިމަނިކަށް ގޮވައިލައިފައި ބުންޏެވެ. އަލިމަނިކު އޭރު ސައިބޮނީއެވެ. ގަޑި ބަލައިލިއިރު އެކެއްޖަހައި ދިހަ މިނެޓު ހިނގައިފިއެވެ. މާދަމާއަކީ އަލިމަނިކުގެ ދިދަ ހަފުތާވެސް ފެށޭ ދުވަހެވެ. ވީމާ، އޭނާ އޭނާއާ ވާހަކަ ދެއްކި ވޭޓަރާ ދިމާއަކަށް އެއްޗެއް ނުބުނެއެވެ.

ދިޔަރެސް (26)

ކިޔާފައިވާ ޢަދަދު: 3740
 
މޫސާ ޞާޢިދު
15  އޮގަސްޓް 2014 (ހުކުރު) ދުވަހު ޝާއިޢުކުރިބަޔާ ގުޅޭ)

މަރުވެފައިވާ އަސްމާގެ ފުރާނަ ނެތް މަސްގަނޑު ފެނުނީ އާސަހަރާގެ މަހާނަތަކުގެ ތެރޭގައި އޮއްވައި ސަހަރާ ބަލަހައްޓާ މީހުންނަށެވެ. އޭރުވަނީ ފަތިސްވެ ހެނދުނުވާން ކައިރިވެފައެވެ. އެހެންކަމުން، ނިކަން އަވަހަށް އަސްމާ މަރުވެފައި (މަރާލާފައި) އޮއްވާ އާސަހަރާތެރޭން ފެނުނު ޚަބަރު މުޅި މާލެއަށް ފެތުރިއްޖެއެވެ.

އެ ޚަބަރު ލިބުމުން، އެންމެ ބޮޑަށް ދެރަވެ ރުއީ އަސްމާގެ ރަޙްމަތްތެރިޔާ ފިރާޝާއެވެ. ފިރާޝާއަށް ބޮޑުވަރުވީ އަނިޔާވެރި ގޮތަކަށް މަރާލާފައިވާ އަސްމާގެ ހަށިގަނޑު ފެނުނީމައެވެ. ކަރާއި މޫނާއި ބަނޑުގެ އެތަން މިތާނގައި ތޫނު ވަކިތަކަކުން ޒަޚަމްކޮށްފައި ވުމުގެ އިތުރަށް އެއްލޯވެސް ވަނީ ޗިސްކޮށްފައެވެ. މުޅި މީހާ އޮތީ ރަނގަޅަށް ލެއިން ކަޅިވެފައެވެ. މިޙާލުގައި އޮތް އަސްމާގެ ހަށިގަނޑު ފެނުމާއެކު ފިރާޝާ އަނބުރައިގަތެވެ.