އެ ހަނދާން

ކިޔާފައިވާ ޢަދަދު: 2203

މަރްޔަމް ރަފީޢު، ލ. މާވަށް

ވަގުތަކީ ފަތިހުގެ ހިތްގައިމު ވަގުތެވެ. ރާއްޖެތެރޭގެ ގިނަ ރަށްތައް ފަދައިން މާވަށުގެ މަގުތައް ވެސް ފެންނަނީ ވަރަށް ހަމަހިމޭންކޮށެވެ. ބައެއް ފަހަރު ދޫނި ގޮވައިލާ އަޑާއި މިފަދަ އެހެނިހެން ހިތްގައިމު ޤުދުރަތީ އަޑުތައް އިވެމުންދެއެވެ. ނަމަވެސް އިރުކޮޅެއް ނުވެ ބޮޑުވެލު އަވަށުގެ ނަން ހިނގާ ގެއެއްކަމުގައިވާ ދުންފިނިގެއަށް ހަލަބޮލިކަން އަތުވެއްޖެއެވެ. އެހެންނުވާންވީ ސަބަބެއް ނެތެވެ. އެ އަވަށުގެ ޅަފުރާގެ ހުރިހާ އަންހެން ކުދިން އެ ގެއަށް ޖަމާވަމުންދަނީއެވެ. އެއީ އުދަރެހުން އިރުގެ އަލިކަން ދުނިޔެއަށް ފާއްދައިލުމުގެ ކުރިން އެ ކުދިން ކުރަން ހަމަޖެހިފައިވާ ދަތުރުގައި ބައިވެރިވުމަށެވެ.

ސާހިބާ (22)

ކިޔާފައިވާ ޢަދަދު: 3612
ފާޠިމަތު ނަހުލާ
(28 ޖުލައި 2014 (ހޯމަ) ދުވަހު ޝާއިޢުކުރި ބަޔާ ގުޅޭ)

މިއަދުން ފެށިގެން ޝަހުދު މަސައްކަތް ކުރާނީ، ޝަހުދުގެ ހިތުގައި އުފެދުނު މީނާގެ ލޯބި ނެރެލުމަށެވެ. އަދި އެ ހިތުން މީނާއަށް ދެވުނު ޖާގަ، ކުރިއެކޭ ވެސް އެއްގޮތަށް ފިޔާޒާގެ ލޯބިން ފުރައިލުމަށެވެ. ވޭތުވެގެން މިދިޔަ ދުވަސްތައް ހަނދާން ނައްތާލުމަށެވެ. އަދި ކުރިއެކޭ އެއްގޮތަށް މީނާގެ ކުރިމަތީގައި އުޅުމަށެވެ. މީނާއާ ދޭތެރޭގައި ކުރިން ދުށްގޮތަށް ދެކޭށެވެ. މީނާއަކީ ޝަހުދުގެ ސާހިބާއެވެ! މައްސަލަ ގޯސްވެ، މިއަދު ޝަހުދުގެ ހިތުގައި ކެތްކުރަން ދަތިވާފަދަ ރިހުމެއް އުފެދެން އެޖެހުނީ ޝަހުދު އެކަން ހަނދާން ނައްތައިލީމައެވެ. އެދުވަހުވެސް މީނާއާ ދޭތެރޭގައި ދުށް ނަޒަރުން ދެކެމުން އައިނަމަ، މިއަދު ޝަހުދު ދެރަވާކަށް ނުޖެހޭނެއެވެ.

އަލަށް އުފެދޭ ލަފުޒުތައް (8)

ކިޔާފައިވާ ޢަދަދު: 2109

ލިޔުންތެރީންގެ ގުޅުން

(27 ޖޫން 2014 (ހުކުރު) ދުވަހު ޝާއިޢުކުރި ބަޔާ ގުޅޭ)
އަޅުގަނޑުމެން ދިވެހިބަސް ލިޔެކިޔާއިރު، ބޭނުންކުރަންޖެހޭ ބިދޭސީ ބައެއް ލަފުޒުތަކުގެ ބަދަލުގައި ބޭނުންކުރާނެ ދިވެހި ލަފުޒު ބޭނުންވެއެވެ. މި ފަދަ ލަފުޒު އުފައްދައި ބޭނުންކުރުމަކީ ބަހަށް ލިބޭނޭ ކުރިއެރުމަކަށް ވާނޭކަން ކަށަވަރެވެ. ނަމަވެސް މި މަސައްކަތް ކާމިޔާބުވާނީ ދިވެހި ލިޔުންތެރީންނާއި މީޑިއާއިން މިފަދަ ލަފުޒުތައް ޢާއްމު ގޮތެއްގައި ބޭނުން ކުރަންޏާއެވެ.

ކުނި ކޮތަޅު

ކިޔާފައިވާ ޢަދަދު: 2839
ޢާއިޝަތު ނާޖީ، ނާޖީގެ
ރެޔަކީ ރާއްޖޭގައި ބޭއްވުނު އެންމެ ފޯރިގަދަ ރިޔާސީ އިންތިޚާބުގެ ކެމްޕެއިން ދުވަސްވަރުގެ ރޭތަކުގެ ތެރެއިން ރެޔެކެވެ. މާލޭގެ އެންމެ ބައި ބޯ އެއް ސަރަޙައްދު ކަމުގައިވާ ރާޅުގަނޑު ސަރަޙައްދުގައި އޮތް ބޮޑު ޖަލްސާގެ ބޮޑުކަން ހާމަކޮށް ދިން އެއް ސަބަބަކީ ޢާންމުކޮށް ރާއްޖޭގެ ޕޯޑިއަމް ތަކުން ނުފެންނަ އެތައް އާ މޫނެއް އެ ޖަލްސާގެ ޕޯރޑިއަމުން ފެނިގެން ދިޔުމެވެ. މީގެ ތެރެއިންވެސް ޖަލްސާއަށް ޙާޒިރުވެ ތިބި އެތަކެއް ހާސް މީހުންނާއި ދުރުން މަންޒަރު ބަލަމުން އަޑު އަހަމުން ގެންދިޔަ އެތަކެއް ހާސް ރައްޔިތުން ޙައިރާންވެ އަންތަރީސް ކުރުވައިލި ކުޅަދާނަ ވާހަކަދެއްކުންތެރިއަކީ ހަފީޒާ ކިޔާ އަންހެން ބޭކަނބަލެކެވެ.

އެއް ހާސް އަހަރު (ދިހަ ވަނަ ބައި)

ކިޔާފައިވާ ޢަދަދު: 2692

އަޙުމަދު ރަޝީދު، ރިކާޒް، ލ. ފޮނަދޫ

(17 ޖޫން 2014 (އަންގާރަ) ދުވަހު ޝާއިޢުކުރި ބަޔާ ގުޅޭ)

އުޑުމަތީގައި ހުރި ވިއްސާރަ ވިލާތައް ސާފުވެއްޖެއެވެ. ހަނދުވަރުގެ އަލިކަން އެއްވެސް ހުރަހެއް ނެތި ދޭން ފަށައިފިއެވެ. ގަސްތަކުގެ ތެރެއިންވެސް ބިމަށް ހެޔޮވަރު ވަރަކަށް އަލިކަން ފެތުރިފައިވެއެވެ. އެވަރުން ބިޝާރާއަށް ތަންތަން ފެންނަވަރު ވެއެވެ. ނަމަވެސް އޭނާގެ ދެލޯވެސް ވަނީ ވަށައިގެންވާ އަނދިރިކަމަށް ހޭނިފައި ކަހަލައެވެ. ހަމަގައިމުވެސް ވެމްޕަޔަރުން ގޮތަށް ރޭނގަނޑުގެ އަނދިރިކަމުގެ ތެރެއިން ތަންތަން ދުށުމުގެ ޤާބިލުކަމެއް އޭނާއަށް އަދި ލިބިފައެއް ނުވެއެވެ. އެހެން ހިތަށް އެރުމާއިއެކު ބިޝާރާ ކަންބޮޑުވިއެވެ.

ކިންގް ސުޢޫދުގެ ދުވަހެއް

ކިޔާފައިވާ ޢަދަދު: 2035

އޭރުގެ ފަތްފުށްތަކުން…. (78)

ކިންގް ސުޢޫދުގެ ދުވަހެއް

عبد اللّه حميد

އޮނަރަބްލް އަލްއުސްތާޛު ޢަބްދުﷲ ޙަމީދު (ނ.ޢ.ޢ.ވ) އަކީ، މޮޅު ލިޔުންތެރިއެކެވެ. ކުޅަދާނަ ވާހަކަދެއްކުންތެރިއެކެވެ. ޅެންވެރިއެއްވެސް މެއެވެ. ދިވެހިބަހާއި އަދަބިއްޔާތަށް ގިނަގުނަ ޚިދުމަތްތަކެއް ކޮށްދެއްވާފައި ޚިދުމަތްތެރިއެކެވެ. ތަފާތު ނޫސް މަޖައްލާތަކަށް ގިނަ ލިޔުންތަކެއް ލިޔުއްވައި އަދި ތަރުޖަމާ ކުރައްވާފައިވާ ބޭފުޅެކެވެ. އެމަނިކުފާނުވަނީ ރާއްޖޭގައި ނުކުތް ގިނަ ނޫސް މަޖައްލާތަކަށް ލިޔުއްވާފައެވެ. އަދި މަޖީދިއްޔާ މުސްކުޅި ދަރިވަރުންގެ ޖަމްޢިއްޔާގެ މަޖައްލާ “ޢިލްމީ އޮއިވަރު”އާއި ދިވެހިބަހާއި ތަރީޚަށް ޚިދުމަތްކުރާ ޤައުމީ މަޖިލީހުގެ މަޖައްލާ “ފަތްތޫރަ”އާއި ދިވެހި ނާދީގެ މަޖައްލާ “ހުވަނދު”ގެ މުޙައްރިރުކަންވެސް ކުރައްވައިފައިވެއެވެ.

ދިޔަރެސް (23)

ކިޔާފައިވާ ޢަދަދު: 4500

މޫސާ ޞާއިދު

(23 ޖޫން 2014 (ހޯމަ) ދުވަހު ޝާއިޢުކުރި ބަޔާ ގުޅޭ)
“މީ ނުލާހިކު ތާށި ދުވަސްވަރެއް…ކިހިނެއް ހެދުން އާކުރާނީވެސް…އެހެން ނޫނަސް، އަހަރެން މާބޮޑު ޝައުޤުވެރިކަމެއް ނުހުރޭ، އާ ހެދުން ފައްސާކަށް.” ސުދާ ބުންޏެވެ. މުޢާޒު ކާންފެށިއެވެ.

ފިޠުރު ޢީދުގެ ތަހުނިޔާ

ކިޔާފައިވާ ޢަދަދު: 4892

ޢަބްދުލްޢަޒީޒު ޖަމާލު އަބޫބަކުރު

ފިޠުރު އީދުގެ ތަހުނިޔާއޭ، މިތުރުނަށް އަދު ފޮނުވެނީ
      އަތުރުކަން ނެތް ބަސްތަކުން ހުރިހާ އަޚުންނަށް ފޮނުވެނީ

ކުރެވުމުން އަޅުކަން، ކުރަންވީ އެންމެހައި ރަމަޟާނުގައި
      ފުރެދުމެއްނެތި ޝުކުރުގައި ކުޅިވަރުތަކޭ  އަދު  ކުޅެވެނީ

މީރުވަސް ފަތުރައިދެމުން މުޅި ޖައްވުގައި ކުލަޖައްސަމުން
      އީދު އައިމާ  އުފަލުގައި  ގިނަގުނަ  ތަހާނީ   ފޮނުވެނީ

ބާޒީ ގެ ސިޑި

ކިޔާފައިވާ ޢަދަދު: 3422

ކަނީރު ޢަބްދުއްރަޙީމް (ކަނީރު)

ހިތްވަރާ ފަންވަރު   ނެރޭށޭ   ކާމިޔާބު   ލިބޭނެޔޭ
           ހިތް ނުރޮއްވާ  ގަދައަޅާށޭ   ތިޔަ އެދޭ  ގޮތް  ވާނެޔޭ
ށަވިޔަނީގައި އަތޮޅުވެރިކަން ކުރި ރަށެއް ޅައިމަގު  އެއީ
           ހެވި ޔަގީނޭ  އަތޮޅު އެންމެން   މީ ތެދޭ   ބުނެލާނެޔޭ
ނޫނެކޭބުނެ ފާފައިން ރައްކާވެ   ހެޔޮގޮތުގައި    ވުމީ
           ހޫނެކޭ ފިންޏަށް ބަދަލު ކުރެވޭ  ޔަގީން    ކުރެވޭނެޔޭ

ސާހިބާ (21)

ކިޔާފައިވާ ޢަދަދު: 3624
ފާޠިމަތު ނަހުލާ
(6 ޖުލައި 2014 (އާދީއްތަ) ދުވަހު ޝާއިޢުކުރި ބަޔާ ގުޅޭ)

ޝަހުދުގެ ލޯބި މީނާގެ މައްޗަށް އަނބުރަން މަޖުބޫރު ކުރުވި މީހަކީ މީނާއެވެ. މީނާގެ އެކިއެކި ޙަރަކާތްތަކުން މީނާދެކެ ލޯބިވާން މީނާ ޝަހުދަށް މަޖުބޫރު ކުރުވީއެވެ. އެއީ މީނާއަށް ކުރެވުނު ވަރަށްބޮޑު ކުށެކެވެ. އެކުށުގެ ހިތިކަން މީނާއަށް އަދި އިޙްސާސް ކުރެވޭނެއެވެ. އެއީ ޝަހުދަށް ހުރިހާ ޙަޤީޤަތެއް އެނގުމުންނެވެ. ހަމަގައިމުވެސް އެދުވަހަކުން ޝަހުދު މީނާ ކުށްވެރި ކުރާނެއެވެ.