ސާހިބާ (18)

ކިޔާފައިވާ ޢަދަދު: 3549
ފާޠިމަތު ނަހުލާ
(8 ޖޫން 2014 (އަންގާރަ) ދުވަހު ޝާއިޢުކުރި ބަޔާ ގުޅޭ)

މީނާ ތެދުވެ އެނދުގައި އިށީނދެލިއެވެ.އޭނާއަށް މިހާރު ޝަހުދު ދެކެ އެލޯބިވަނީ ކެތްނުކުރެވޭ ވަރަށެވެ. އެހެން ނަމަވެސް ޝަހުދަކަށް އެކަމެއް ނޭނގެއެވެ. ކިތަންމެ ދުވަހެއް ވިޔަސް، ނުބުނަނީހެއް ޝަހުދަކަށް އެކަމެއް ނޭނގޭނެއެވެ. މީނާ އެނދުން ތެދުވެއްޖެއެވެ. އޭނާ ބޭނުންވަނީ ޝަހުދު ގާތަށް ދާށެވެ. އެކަނިވެރި ވަގުތުތައް ޙިއްޞާކުރާނެ މީހަކު ޝަހުދުވެސް ބޭނުންވާނެއެވެ.

އަވަލައިގެން އައި ކަޅުކުކުޅު

ކިޔާފައިވާ ޢަދަދު: 4033

ގަބޫލުކުރަންދަތި ކުރީގެ ވާހަކަ ތަކުގެ ތެރެއިން….

އަވަލައިގެން އައި ކަޅުކުކުޅު

ކަނީރު ޢަބްދުއްރަޙީމް (ކަނީރު)

ޖިންނި އަވަލުމަކީ ވަރަށްކުރީއްސުރެ ވަމުން އަންނަ ކަމެއްކަމުގައި ގަބޫލުކުރެވި  ތަފާތު އެތަކެއް މީހުން އެކިވަކި ގޮތަށް އެފަދަ ވާހަކަތައް ކިޔައިދެމުން އަންނަ، އަދި މިހާރުވެސް އެފަދަ ވާހަކަތައް ދެކެވޭ ކަމެކެވެ. ސަބަބާއި ދޭތެރޭ ވެސް ތަފާތު ވާހަކަތަކެއް ދެކެއެވެ.  އެކަމުގެ ހަގީގީ ސަބަބު ތަކާއި  ސިއްރުތައް ނޭނގުމުގެ ތެރޭގައިވާ ކަމަށް ބޮޑަށް ގަބޫލުކުރަން ޖެހޭ ކަމެކެވެ. މިފަދަ އަވަލުން ނުވަތަ އަޅައިގަތުން އެކި ފަހަރު އެކި މީހުންނަށް ދިމާވެފައި ހުރިކަމަށް ކިޔައިދެނީ ވެސް ތަފާތު ގޮތްގޮތަށެވެ. ކުރާ/ ކުރެވޭ ކަމެއްގެ ސަބަބުން އެފަދަ އެއްޗަކަށް ކޮންމެވެސް ގޯނާއެއްވެ އުނދަގުލެއްވެގެން އަޅައިގަންނަނީކަމުގައި ބުނެވޭލެއް ތަންކޮޅެއް ގިނަކަމުގައި ފެނެއެވެ. އަނެއް ބަޔަކު ބުނެދޭގޮތުގައި އެއީ ކޮންމެހެން އެކަހަލަކަމެއް ވެގެންވާ ކަމެއްނޫނެވެ. އެއެއްޗެހީގެ ތެރޭގައި ވެސް ހިފިނުހުރެގެން އުޅޭ، ހަމައެއްލަމައެއް ނުގެންގުޅޭ އެއްޗެހި އުޅޭތީ އެ ފަދަ ތަކެތި ހަމަ، އެއްވެސް ކަމަކާނުލައި ވެސް އަޅައިގަނެގެން އުނދަގޫކުރާން ފަށައެވެ.

އަލަށް އުފެދޭ ލަފުޒުތައް (6)

ކިޔާފައިވާ ޢަދަދު: 2332
ލިޔުންތެރީންގެ ގުޅުން
(16 މެއި 2014 (ހުކުރު) ގުޅޭ)
އަޅުގަނޑުމެން ދިވެހިބަސް ލިޔެކިޔާއިރު، ބޭނުންކުރަންޖެހޭ ބިދޭސީ ބައެއް ލަފުޒުތަކުގެ ބަދަލުގައި ބޭނުންކުރާނެ ދިވެހި ލަފުޒު ބޭނުންވެއެވެ. މި ފަދަ ލަފުޒު އުފައްދައި ބޭނުންކުރުމަކީ ބަހަށް ލިބޭނޭ ކުރިއެރުމަކަށް ވާނޭކަން ކަށަވަރެވެ. ނަމަވެސް މި މަސައްކަތް ކާމިޔާބުވާނީ ދިވެހި ލިޔުންތެރީންނާއި މީޑިއާއިން މިފަދަ ލަފުޒުތައް ޢާއްމު ގޮތެއްގައި ބޭނުން ކުރަންޏާއެވެ.

ޝުކުރުގެ ތަރާނާ

ކިޔާފައިވާ ޢަދަދު: 5656
 

 ވާހަކަދެއްކުމާއި މަޒުމޫނު ލިޔުމުގެ އަތޮޅު މުބާރާތަށް އުނގޫފާރަށް ދިޔަ އެންމެންގެ ހިތުގެ ޝުޢޫރު – 2004

ލަވަ ހެއްދެވީ:
   ޙަސަން ޝާކިރު މުޙައްމަދާއި،
   ޢަބްދުލްޢަޒީޒު ޖަމާލު އަބޫބަކުރާއި
   އަޙުމަދު ސަލީމް (ސައްލޭ)


މިއީ، 2004 ވަނަ އަހަރު ރ. އުނގޫފާރުގައި، ދިވެހިބަހާއި ތާރީޚަށް ޚިދުމަތްކުރާ ޤައުމީ މަރުކަޒުގެ ފަރާތުން ބޭއްވި “ވާހަކަދެއްކުމާއި މަޒުމޫނު ލިޔުމުގެ އަތޮޅު މުބާރާތު”ގެ ބައިވެރީންނާއި ބަންޑާރަވެރީންގެ ހިތުގެ ޝުޢޫރު ހާމަކޮށްލުމަށްޓަކައި މުބާރާތުގެ ވަދާޢީ ޙަފުލާގައި ފަނޑިޔާރުން ހުށަހެޅުއްވި ލަވައެކެވެ. މި ލަވަ ބައިގަޑިއެއްހާއިރުގެ ތެރޭގައި ހައްދަވައިދެއްވީ ފަނޑިޔާރުންގެ ގޮތުގައި ވަޑައިގަތް ބޭފުޅުންގެ ތެރެއިން 3 ބޭފުޅެކެވެ. މި ލަވަ އަޅުގަނޑުމެން މި ޝާއިޢުކޮށްލީ ހަނދާނާއި ތާރީޚަށްޓަކައެވެ. މި ޅެން “ފަތްތޫރަ” މަޖައްލާގައިވެސް ޝާއިޢުކޮށްލެއްވުން ވަރަށް މުހިއްމެވެ. މި ލަވަ މީގެ ކުރީން ޝާއިޢުކުރެވިފައެއް ނުވާނެ އެވެ.

ކުދިވާހަކަ (52)

ކިޔާފައިވާ ޢަދަދު: 4229

އެތަނާއި މިތަނުން

ކުދިވާހަކަ (52)

ދަރަނިތައް ހަނދާން ނައްތައިލުން

ޢައްބާސް އިބްރާހީމް

ސިކަންދަރުލޯދީގެ ވެރިކަމުގެ ދުވަސްވަރުގައި ވަރަށް މަޝްހޫރު އަޅުވެރިޔަކު އުޅުނެވެ. އޭނާގެ ނަމަކީ ޒައިނުއްދީނެވެ. އޭނާގެ ޒުވާން ދުވަސްވަރުގައި ޒައިނުއްދީނަކީ ވަރަށް މުއްސަނދި އަދި ތިޔާގި ދިރިއުޅުމެއް އުޅުނު މީހެކެވެ. އަދި ނުހަނު ދީލަތި މީހެއްވެސްމެއެވެ. ދުވަސްތައް ފާއިތުވަމުންގޮސް މިހާތަނަށް އައިއިރު އޭނާވަނީ އަތްމަތި ހުސްވެ ވަރަށްބޮޑަށް ފަގީރުވެފައެވެ. ނަމަވެސް އޭނާގެ ދީލަތިކަމަށް އެއްވެސް ބަދަލެއް ނާދެއެވެ.

ހަލާކުވެފައިވާ ހިތެއްގައި އެހެން ލޯތްބެއް (27)

ކިޔާފައިވާ ޢަދަދު: 3099
ޢަލީ ޝަރީފު، ހ. ފިލިގަސްދޮށުގެ
(4 ޖޫން 2014 (ބުދަ) ދުވަހު ޝާއިޢުކުރި ބަޔާ ގުޅޭ)

ބްރައިނީ އަސަރުން ފުރިފައިވާ ގޮތެއްގައި އަހައިލިއެވެ. “ބޮޑުދައިތާއެވެ! އޭނާއަކަށް ނުރައްކަލެއް ނުވާނެ ހެއްޔެވެ؟ މަރެއް ނުވާނެ ދޯއެވެ؟”
ބޮޑުދައިތަގެ އޯގާވެރި ނަސޭހަތާއި އުއްމީދުގެ ވާހަކަތައް އިިވެމުން ދިޔަ ހިނދު ބޮލުގެ އިޝާރަތުން ބްރައިނީ ގެންދިޔައީ ޖަވާބުދެމުންނެވެ.
“އަހަރެމެން އީމާންވާންވީ މާތް ރަސްކަލާންގެ ކުރައްވާނޭ ހެޔޮ މިންވަރަކަށެވެ. އިރާދަކުރެއްވިއްޔާ އޭނާގެ ދެފައިން ހިނގައިލައިފައި އަންނާނޭ ދުވަސް ދައްކަވާނެއެވެ.” ބޮޑުދައިތަގެ ވާހަކަ ނިންމައިލަމުން ބުންޏެވެ.

އޭރުގެ ފަތްފުށްތަކުން…. (75)

ކިޔާފައިވާ ޢަދަދު: 2211
 

އަޅުގަޑުމެންގެ ادبى ލިޔުންތެރިކަން

إبراهيم شهاب


ދިވެހި އަދަބީ ދުނިޔޭގައި އޮނަރަބްލް އަލްއުސްތާޛު އިބްރާހީމް ޝިހާބު (ރަޙިމަހުﷲ) އަކީ، ކޮންބޭފުޅެއްކަން ތާރަފުކުރުމަށް މާގިނަ ޖުމުލަތަކެއް ބޭނުންވާނޭކަމަކަށް ނުދެކެމެވެ. އެމަނިކުފާނަކީ، ކުޅަދާނަ ލިޔުންތެރިއެކެވެ. އެއަށްވުރެ ކުޅަދާނަ ޅެންވެރިއެކެވެ. އަދި އެއަށްވުރެވެސް ކުޅަދާނަ ވާހަކަދެއްކުންތެރިއެކެވެ.

އަލްއުސްތާޛު އިބްރާހީމް ޝިހާބަކީ، ރާއްޖޭގެ ނޫސްވެރިކަމަށް 50 އަހަރު ފުރުމުގެ މުނާސަބަތުގައި 1993 ވަނަ އަހަރު ދިވެހި ނޫސްވެރިކަމުގެ މުއައްސިސްކަމުގެ ހަނދާނީ ލިޔުން އެރުވުނު 5 ބޭފުޅުންގެތެރޭގައި ހިމެނިވަޑައިގަތް ބޭފުޅެކެވެ. އަދި ދިވެހިބަހަށް ޚިދުމަތްކުރެއްވުމުގެ ރޮނގުން ޝަރަފުވެރިކަމުގެ އިނާމު 1979 ވަނަ އަހަރު، ދިވެހި ޅެންވެރިކަމުގެ ރޮނގުން ޝަރަފުވެރިކަމުގެ އިނާމު 1982 ވަނަ އަހަރު، ލިބިވަޑައިގެންފައިވާ ބޭފުޅެއްވެސްމެއެވެ.

އެއްހާސް އަހަރު (އަށް ވަނަ ބައި)

ކިޔާފައިވާ ޢަދަދު: 2485
އަޙުމަދު ރަޝީދު، ރިކާޒް، ލ. ފޮނަދޫ،
6 ޖޫން 2014 (ހުކުރު) ދުވަހު ޝާއިޢުކުރި ބަޔާ ގުޅޭ)
އަޅެއްގެ ގޮތުގައިތަ؟” އެއްވެސް އުއްމީދެއް ނެތް ކުރަކި ވެފައިވާ އަޑަކުން ބިޝާރާ ސުވާލު ކުރިއެވެ.

” އާނ!” ޔަރަސްގެ ޖަވާބު ކުރުވެފައި ޤަބޫލުކުރަން ދައްޗެވެ. ބިޝާރާގެ ދެ ލޮލުން ފެންނަން ހުރި އުއްމީދުގެ އުޖާލާކަން ފަނޑުވެގެން ދިޔައެވެ. ޔަރަސްގެ ޖަވާބު ޤަބޫލުކުރަން ދަތިވިއެވެ. ޚުދު ޔަރަސް އަށް ވެސް އޭނާގެ އަނގައިން ބޭރުކޮށްލެވުނު ކުރު ޖުމްލަ ވެގެންދިޔައީ ހައިރާންކަން ލިބެނިވި ޤަބޫލުކުރަން ދަތި ކަމަކަށެވެ. ބިޝާރާގެ މޫނަށް ހިނދުކޮޅަކަށް ނަމަވެސް ގެނުވި އުޖާލާކަން ފަނޑުވެގެން ދިޔަގޮތް ޔަރަސް އަށް ހަމަ ރަނގަޅަށް ވެސް އިޙްސާސް ކުރެވުނެވެ.

ދިޔަރެސް (20)

ކިޔާފައިވާ ޢަދަދު: 3873
މޫސާ ޞާޢިދު
(2 ޖޫން 2014 (ހޯމަ) ދުވަހު ޝާއިޢުކުރި ބަޔާ ގުޅޭ)

ސުދާ ނިކަން ބާރަށް ހިނގާފައި ގޮސް ޢަލިމަނިކު ހުރަސް ކުރިއެވެ. ޢަލިމަނިކަށް އޭނާގެ މޫނު ނުފެންނާނެހެނެވެ.
ނަމަވެސް، އެވަގުތު ޢަލިމަނިކަށް އޭނާގެ މޫނު ފެނުނެވެ. އިންތިހާއަށް ހާސްވުމުގެ ސަބަބުން ރަތްވެފައިވާ ސުދާގެ މޫނުމަތިން އާދަޔާ ޚިލާފު އެތައް ކަމެއް އޭނާއަށް ފާހަގަކުރެވުނެވެ. އެހެންކަމުން، ދެވަނަފަހަރަށް އެ މޫނު ދުށުމަށް އޭނާ ބޭނުންވިއެވެ. ހަތަރުކަޅި ހަމަކޮށް ސީދާ ސުދާގެ ލޮލަށް ބަލައި، އެ ލޮލުގެ ތެރޭން ކަންތައްތަކެއް ދެނެގަންނާން އޭނާ ބޭނުންވެއެވެ. އެހެންކަމުން، ސުދާ ދިޔަ ފަސް ވެސް އޭނާ ނިކަން ރަނގަޅަށް ބެއްޔެވެ.

ދިވެހީންނަށް އިނގިރޭސި

ކިޔާފައިވާ ޢަދަދު: 1880
ޢަލީ އިސްމާޢީލް

ހަނދާންވާ ގޮތުގައި އެއީ 2007 ނޮވެމްބަރު މަހުގެ ސާދަވަނަ ދުވަހެވެ. އެދުވަހު ހަވީރު އަޅުގަނޑު ގެއިން ނުކުތީ، ފާރޮށިގެއިން ޕާނެއް ގަންނާށެވެ. ދަންނަވަން މިއުޅެނީ، ދިވެހިރާއްޖޭގައި، ޕާން އަގު ބޮޑުވި ވާހަކައެއް ނޫނެވެ. ނަމަވެސް އެ ދުވަހު ޕާން ހިފައިގެން ފާރޮށިގެއިން ނުކުތް ތަނުން ފެނުނު ފޮތިގަނޑުގެ ވާހަކައެވެ.